|
ALD
|
|
|
 |
|
Do che al é gnü publiché i pröms libri dl ALD (Atlant linguistich dl ladin dolomitich y di dialec vejins), éson sëgn tl laûr de se dè jö cun la secunda pert, che dess completè le pröm laûr y che é dedicada al lessich, ala morfologia y ala sintassa dl ladin.
Chësc proiet vëgn laurè fora sot ala direziun dl prof. univ. dr. Hans Goebl (dl'Université de Salzburg) y al vëgn presentè n cheder avisa en cunt dla situaziun dl raiun linguistich dai Grijuns cina tl Friul.
La verjiun multimediala dl Atlant ("Atlant linguistich che baia", desponibl sö CD-ROM y DVD) ti da la poscibilité al utilisadù de ascutè sö sciöche al vëgn pronunzié les parores coiüdes adöm te 21 paîsc ladins dles Dolomites.
Dilan al ALD pon se rënd cunt dla varieté di idioms y di dialec tl raiun dolomitich y ciafè informaziuns sura les somianzes danter les varietês de lingaz che vëgn baiades ti Grijuns dla Svizera, tl raiun dolomitich y tl Friul. |
|
|
 |
|
|
|
|
|
|
|
|
|
Cherta de somianza fora dl proiet ALD-DM (Analisa dialetometrica dl atlant linguistich dl ladin dolomitich y di dialec vejins - proiet menè inant dal prof. dr. Roland Bauer, Université de Salzburg). I corusc mostra sö tan daimprò o tan dalunc che i lingac é dal idiom dla Val Badia dal punt d'odüda morfologich (corusc cialc = ti assomëia; corusc frëic = l'idiom che vëgn baié te chël raiun é cotan atramënter) |
|
|
|
|
|
|
|
