Comité scientifich

Per 26 agn alalongia (dal 1977 encà) é l dot. Lois Craffonara sté l redadour dla revista che à dagnora reporté articui de n livel scientifich aut y che é perchel dagnora gnuda dassen apriejeda dantaldut tles universités, olache al vegn porté inant studes aprofondis sun lingac y cultures.

Dl 2003, canche l dot. Craffonara à dé ju l'enciaria, él gnu metù su n comité de redaziun y n comité scientifich con esperc de storia, de linguistica, de etnografia, de archeologia, de scienza dla musiga y de storia dl'ert.