Santo Palla - Franz Canins - Angel Dapunt

Te chësta publicaziun vëgnel reportè l’ liber sciöche al é gnü scrit da mons. Angel Dapunt da Sotrù de Badia (cun val’ adatamënt tipografich, val’ scemplificaziun y cotan d’injuntes). L’ test é gnü trascrit dal todësch tl ladin y é gnü completè cun les dates y les notizies di ultimi agn. Al é partì sö tles dodesc cöres dl decanat dla Val Badia (alias Mareo) y por vigni cöra vëgnel dè dant: 1. les notizies fondamentales dla storia dla dlijia, 2. i curać y i ploans ch’à laurè tla cöra d’animes, 3. la biografia di proi nasciüs paîsc por paîsc, 4. i caplans ch’à laurè tles cöres de La Pli de Mareo, Badia, La Val, San Martin y Lungiarü. La pröma cöra che vëgn descrita é chëra decanala de Mareo: al é la pröma cöra, la cöra-uma dla Val Badia. La secunda é la cöra de Badia, fondada l’ann 1449 y ch’é dal 1949 sënta dl decanat. Spo vëgnel daimproìa dötes les atres cöres, a scomencè da Calfosch por rové jö por la valada, paîsc por paîsc, ćina a Rina.