Istitut Ladin Micurá de Rü: pröma sentada dl Consëi d'aministraziun nü

Le Consëi d'aministraziun dl Istitut Ladin Micurá de Rü á tigní dan da püch la pröma incuntada, do che la Junta provinziala á nominé i mëmbri nüs.

La pröma incuntada dl Consëi d'aministraziun nü dl Istitut Ladin Micurá de Rü é gnüda tignida ai 19 d'aurí tla sënta dl Istitut te Sëlva. I mëmbri che fej pert dl Consëi nü é gnüs nominá dala Junta provinziala, aladô dla proposta dl assessur provinzial por la scora y la cultura, Florian Mussner. Te Consëi él insciö rové ite Erika Castlunger sciöche rapresentanta dla Junta provinziala, Roland Demetz de Sëlva por i comuns de Gherdëna y dla Val Badia y Heinrich Videsott da San Martin sciöche rapresentant dla Consulta scolastica provinziala – seziun ladina.
Chësc vare á messü gní fat aladô dl decret statal che vëiga danfora na reduziun di mëmbri di organs aministratifs y de control dles istituziuns y corporaziuns publiches, che pó ma plü avëi da un cina n mascim de cin' mëmbri.
Le Consëi d'aministraziun á le dovëi d'aprové le program d'ativité anual, le bilanz de previjiun y le cunt consuntif, y da chirí fora i proiec che dess avëi la priorité. Le Consëi lita so presidënt, nominëia la Comisciun culturala odüda dant dal Statut y pó fá propostes da mudé le Statut dl Istitut.
En ocajiun dl'incuntada di 19 d'aurí á le Consëi lité Erika Castlunger sciöche presidënta dl Istitut Ladin y Roland Demetz sciöche vizepresidënt. Canch'al sará la proscima sentada, gnarál ince nominé la Comisciun culturala.
La nomina vel por trëi agn. Öna dles novités é ince chëra che le Consëi d'aministraziun ne pó nia mantigní l'inciaria por plü co trëi mandac indolater.

FaLang translation system by Faboba
De dla cultura ladina 2017

De dla cultura ladina 2017

Festa por i 40 agn d'ativité dl Istitut Ladin Micu...

Domisdé por mituns

Domisdé por mituns

Domisdé por mituns cun i clowns Sally y Merendina...

Formaziun altonn 2017

Formaziun altonn 2017

Program de Formaziun altonn 2017 „La plü gran spa...

Curs de ladin altonn

Curs de ladin altonn

Ladinischkurs -  Corso di ladino

VII Colloquium retoromanistich

VII Colloquium retoromanistich

VII Colloquium retoromanistich ...

Consëi d’aministraziun

Consëi d’aministraziun

Pröma sentada dl Consëi d'aministraziun nü ...

Das Fastentuch von St. Jakob in Gröden

Das Fastentuch von St. Jakob in Gröden

Buch enthüllt Geheimnisse des besterhaltenen Faste...

Dizionar Online

Dizionar Online

Verjiun online dl dizionar Italiano - Ladino Val ...